Binalaan ng Department of the Interior and Local Government (DILG) ang mga lokal na pamahalaan laban sa mga indibidwal na nag-aalok ng tulong para magkaroon ng access sa sinasabing P13 billion fund kapalit ng pabor o bayad.
Sinabi ni DILG Secretary Eduardo Año, na nakatanggap siya ng mga ulat mula sa regional at field offices na ang mga manlolokong ito ay nagsasabing mayroon silang access sa tinatawag na Government Support Fund-Financial Assistance to Local Government Units (LGSF-FALGU).
Kaya naman hinimok ni Año ang mga lokal na pamahalaan na maging mapagmatyag at maging maingat laban sa mga manggagantsong ito na gumagawa ng iligal na transaksyon para mapakielaman ang naturang pondo.
Paalala ni Año sa mga LGU, tanging sa mga regional offices lamang ng Department Of Budget and Management makipag ugnayan kung kinakailangan ang nasabing pondo at huwag makipag-transaksyon sa kahit sinong tumatayong third-party entity.
