Tiwala si Cagayan Governor Manuel Mamba na maisasailalim na sa general community quarantine (GCQ) ang buong lalawigan na sa ngayon ay nasa MECQ status pa.
Ito ayon kay Mamba ay dahil unti-unti na ring nababawasan ang kaso ang COVID-19 sa lalawigan partikular sa Tuguegarao City na halos anim na buwang naging sentro ng virus.
Tiniyak sa DWIZ ni Mamba ang patuloy na pagkilos para tuluyang makontrol ang kaso ng COVID-19 sa probinsya bagamat nakasentro sila sa mga APOR o authorized persons outside of residence na siyang kadalasang nakakahawa sa mga kasambahay nila.
