Pinapanagot ng isang senador ang mga nasa likod ng malisyoso at malaswang learning material na hindi angkop sa mga mag-aaral.
Ayon kay senate committee on basic education chair Sherwin Gatchalian, nakadidismayang nakalusot sa quality assurance ng department of education ang naturang module.
Una rito, nabigla ang lahat nang mabasa sa learning module para sa mga nasa grade 10 students sa bayan ng Magalang sa Pampanga ang mga katagang maiuugnay sa pakikipagtalik.
Kaya naman sinabi ni Gatchalian na kanilang susuriin ang proseso ng quality assurance sa isasagawang pagdinig ng senado hinggil sa kahandaan ng department of education para sa school year 2021-2022.
Una nang sinabi ni Education Usec. Diosdado San Antonio na binawi na ang kontrobersyal na module at naiwasto na ito ng school division.
