Maaari nang lumabas ng bahay simula ngayong araw ang mga senior citizen na nakakumpleto na ng dalawang doses ng bakuna kontra COVID-19.
Ngunit nilinaw ni Ret. Major Gen. Restituto Padilla, tagapagsalita ng National Task Force against COVID-19, pwede lang lumabas ang mga nakatatanda kung sila dalawang linggo na ang nakalipas simula nang sila ay mabakunahan ng ikalawang dose.
Sinabi rin ni Padilla na maaari lang mamasyal ang mga fully vaccinated senior citizen sa mga lugar na parehas ang quarantine classification.
Kung may plano naman aniyang magbakasyon ang mga nakatatanda sa mga tourist destination, kailangan pa ring magprisinta ng negatibong COVID-19 test result.
