Tinekitan ng mga awtoridad ang 60 parokyano ng isang bar and grill sa lungsod ng Marikina dahil sa paglabag sa umiiral na curfew hours.
Ayon kay Marikina Chief of Police, Police Colonel Benliner Capili, matapos na patawan ng ticket ang mga lumabag sa naturang kautusan ay pinagsabihan ang mga ito na umiiral ang curfew mula alas-10 ng gabi hanggang alas-4 ng madaling araw.
Giit pa ni Capili na hindi na dapat pa nag-ooperate ang naturang establisyimento kung lagpas na sa itinakdang curfew.
Bukod pa rito, nagpaalala rin si Capili sa lahat ng mga establisyimento sa lungsod ng Marikina na siguruhing ipinatutupad ang umiiral na health protocols kontra coronavirus disease 2019 (COVID-19).
