Umabot na sa 55 residente ang nagpositibo sa coronavirus disease 2019 (COVID-19) matapos dumalo sa isang pool party sa Quezon City.
Ayon kay Dr. Rolly Cruz, head ng Quezon City Epidemiology and Surveillance Unit, magsasagawa sila ng re-test sa ilang residente na ang resulta ng COVID-19 test ay wala pang katiyakan.
Ani Cruz, tapos na ang contact tracing kaya naman nagpatupad na ng lockdown sa lugar.
Sa ika-15 araw umano ng lockdown ay muling i-aassess ang mga residente kung mayroon pang sintomas na nararamdaman ang mga ito upang matukoy kung kailangan pang palawigin ang lockdown.