Umabot sa kabuuang 849, 862 ang nagparehistro online para sa step 1 ng Philippine Identification System (PhilSys).
Ito ay batay sa datos ng Philippine Statistics Authority (PSA).
Nagsimula ang online registration para sa step 1 noong April 30.
Magugunitang sinalubong ng aberya ang unang araw ng online registration dahilan para maantala ito ngunit agad din namang nagbalik operasyon ito matapos maayos ang naging problema.
Sa kasalukuyan nasa 34 million na ang naka kumpleto ng step 1 sa pagbabahay-bahay ng PSA.
