Nasakote ng mga elemento ng National Bureau of Investigation (NBI) ang limang operators umano ng isang abortion clinic na nag-aalok ng serbisyo sa social media sa Cebu City.
Ayon kay NBI Officer-in-Charge Director Eric Distor, naghaharap sa kasong kriminal ang mga suspek na sina Joey Guirigay, Francisca Rebamonte, Gloria Gabutin, Meryteissie Rural, at Amparo Gemarangan.
Nabatid na si Guirigay ay gumagamit ng pangalang “Michelle Mayer” at nag-aalok umano ng abortion services na nagkakahalaga ng P9,500 para sa abortion pills at P30,000 naman para sa suction abortion.
