Nagpahayag ng suporta si San Juan City Mayor Francis Zamora sa panukalang palawigin pa ang umiiral na enhanced community quarantine sa NCR plus.
Ayon kay Zamora, masasayang lang ang isang linggong pag-iral ng ECQ dahil hindi naman aniya ito magiging sapat para maramdaman ng lubos ang pagbaba ng kaso ng COVID-19 sa bansa.
Ani Zamora, naibahagi na rin niya ito kay Health Secretary Francisco Duque III kung saan sumang ayon naman ito na kulang o masyadong maikli ang isang linggong ECQ para maramdaman ang epekto nito.
Una rito, inirekomenda Ni Health Undersecretary Maria Rosario Vergeire na palawigin pa ng isang linggo ang umiiral na ECQ sa NCR plus kung saan nakatakda itong magtapos sa Abril 4.
