Naniniwala ang Metro Manila Mayors na magiging epektibo sa pagpapabagal sa pagkalat ng COVID-19 sa bansa ang ipinatupad na general community quarantine (GCQ) bubble sa NCR Plus.
Ayon kay MMDA Chairman Benjamin Abalos, sang-ayon ang mga alkalde sa naturang hakbang at positibong magiging epektibo ito para mapigil ang pagkalat ng nakahahawang sakit.
Dagdag ni Abalos tama rin na isama sa GCQ bubble ang apat na probinsya na malapit sa Metro Manila dahil marami aniyang manggagawa sa NCR ang nagmumula sa naturang mga probinsya.
Kabilang sa isinailalim sa GCQ bubbles o NCR Plus ang Metro Manila, Rizal, Bulacan, Cavite at Laguna.
