Malapit na ring mapuno ng coronavirus disease 2019 (COVID-19) patients ang Sampaloc Hospital sa Maynila.
Ito’y kasabay ng pagtaas ng kaso ng COVID-19 sa National Capital Region.
Ayon kay hospital director Dr. Aileen Lacsamana, 19 sa 25 kama na nakalaan para sa mga pasyenteng tinamaan ng COVID-19 ang okupado na.
Ani Lacsamana, hanggang 50 kama lang ang kayang i-adjust ng ospital para lamang ma-accommodate ang maraming COVID-19 patient na nagtutungo sa naturang paggamutan.
Kailangan din kasi aniyang tugunan ang pangangailangan ng ibang pasyente.
