Inatasan ng Korte Suprema ang mga korte partikular sa mga lalawigang apektado ng bagyong Lando na tiyaking protektado o hindi masisira ang mga mahahalagang dokumento sa pananalasa ng bagyo.
Ayon sa Public Information Office ng Korte Suprema, dapat i-monitor ng executive judges ang bulletin ng PAGASA hinggil sa bagyo para mabatid ang tinatahak nitong direksyon.
Kabilang sa mga apektado ng bagyong Lando ang La Union, Abra, Ilocos Sur, Ilocos norte, Zambales, Aurora at Isabela.
Batay naman sa advisory ni Court Administrator Midas Marquez, bahala na rin ang executive judges sa Metro Manila na suspendihin ang operasyon nila kapag nasa signal number 3 na ang kani-kanilang lugar dahil sa bagyong Lando.
By Judith Larino
