Umapela ang isang obispo ng Simbahang Katolika sa mga Pilipino na labanan ang lumalalang problema ng bansa hinggil sa pang-aabuso sa mga kabataan.
Ito ang binigyang diin ni Archdiocese of Manila Apostolic Administrator Bishop Broderick Pabillo, kaalinsabay ng pagdiriwang ngayong araw ng pista ng Senyor Sto. Niño.
Sa kaniyang misa sa Sto. Niño de Tondo Parish kaninang umaga, sinabi ni Pabillo, na dapat bantayang mabuti ang ginagawang pananamantala sa mga kabataan at dapat na magkaisa ang lahat para labanan ito.
Aminado rin si Pabillo, na naging problema rin sa simbahan ang nasabing problema subalit tiniyak nito na kanila nang tinutugunan ang usapin.
