Pinuri ni Pangulong Rodrigo Duterte ang naging hakbang ni Public Works and Highways Secretary Mark Villar na magpatupad ng malawakang balasahan sa loob ng kagawaran.
Ito ay bilang bahagi ng kampanya ng adminsitrasyong Duterte laban sa kurapsyon.
Ayon kay Pangulong Duterte, kanyang inaasahan na magkakaroon pa ng mas maraming revamp sa DPWH sa mga susunod na araw.
Iginiit din ng Pangulo na kanyang ilalaan ang mga huling buwan ng kanyang termino para labanan ang katiwalian sa pamahalaan.
Magugunitang, sinibak sa puwesto ni Villar ang nasa 14 na personnel ng DPWH dahil sa umano’y pagkakasangkot sa kurapsyon noong nakaraang linggo.
All we have to do, I said just give me the name ng contractor na korap o ng empleyadong korap. I’d like to congratulate Secreatry Villar for initiating total revamp sa DPWH there will be more to come, did I tell you few days ago or months that I will dedicate the remaining years of my mayorship dito sa corruption na talagang upakan ko kayo! Kung ‘di niyo naala-ala iyon pasensya,″ wika ng Pangulo.
