Pumanaw na si National Police Commission (Napolcom) Vice Chairman Atty. Rogelio Casurao sa edad na 67.
Ito ang kinumpirma ng Napolcom sa kanilang facebook post kagabi na nagpapaabot ng pakikiramay sa pamilya nito.
Hindi na idinetalye kung ano ang naging sanhi ng pagpanaw ni Casurao bagama’t sinasabing may iniinda na itong chronic disease dala ng kaniyang edad.
Nagbigay pugay din kay Casurao ang mga opisyal at kawani ng Napolcom na kaniyang nakasama sa nakalipas na apat na taon.
2016 nang italaga ni dating Pangulong Noynoy Aquino si Casurao sa napolcom mula sa pagiging konsehal ng calbayog city sa samar.
Nagsilbi rin itong chairman ng People’s Law Enforcement Board ng Calbayog City at general legal counsel ng Philippine Councilors League mula pa noong 2013.
