Nagsimula nang umarangkada ang murang RT PCR test para COVID-19 ng pamahalaang lungsod ng Makati.
Ayon sa health department ng lungsod, sa mga nais sumailalim sa naturang test, mangyari lamang na mag-log-in sa website na safemakati.com, magpa-schedule ng appointment, at magbayad ng fee sa BDO.
P2,950 ang singil sa kada RT PCR test sa lungsod, na mas mura kumpara sa sinisingil sa mga pribadong clinic at ospital na higit walong libong piso ang halaga.
Bukas naman ang naturang test sa mga residente ng lungsod maging sa mga manggagawang nagtatrabaho sa lungsod.
Kasunod nito, matapos ang dalawa hanggang sa apat na araw, maaaring matanggap ang resulta ng test sa pamamagitan ng email. — ulat mula kay Jaymark Dagala (Patrol 9)
