Naaresto ng pulisya ang dalawang miyembro ng New People’s Army (NPA) sa dalawang magkahiwalay na operasyon nito sa Quezon City at Laguna.
Ayon kay PNP Spokesman P/BGen. Ildebrandi Usana, kapwa nahaharap ang dalawang npa sa mga kasong kriminal kabilang na rito ang pagpatay.
Unang naaresto si Romeo Aytona Jr. alyas alon sa panulukan ng EDSA at Kamias road sa Quezon City pasado alas-6 kagabi sa bisa ng warrant of arrest.
Habang sumunod naman ang pagkakaaresto kay Lazo na most wanted person sa Region 2 pasado alas-5 ng hapon kahapon sa Brgy. Sto. Tomas, Biñan City sa Laguna.
