Pinag-aaralan na ng pamunuan ng PhilHealth na palawakin pa ang coverage o sakop sa mga pasyenteng sumasailalim sa dialysis.
Ayon kay Presidential Spokesperson, Secretary Harry Roque, umaapela si PhilHealth President Dante Gierran sa board nito na aprubahan ang naturang extension.
Mababatid na sa ngayon ay nasa 90 dialysis session lang ang sinasagot PhilHealth kada taon.
Kung makalulusot ang panukala ni Gierran, madadagdagan pa ng 43 session ang kasalukyang sessions nito o aabot na sa 133 na mga dialysis session ang sasagutin ng ahensya.
Kasunod nito, sinabi ni Secretary Roque na nakikipag-ugnayan na ang PCSO sa PhilHealth para bigyan ang mga dialysis patients ng 10k cash assistance.
