Iniutos na ng Supreme Court ang pagtanggal sa puwesto kay Reynaldo Diangco, ang Chief Security ng Court of Appeals (CA).
Ayon sa 20-pahinang desisyon ng Supreme Court, ito ay matapos mapatunayang guilty sa serious dishonesty at grave misconduct, si Diangco.
Maliban sa pagkakasibak sa puwesto, iniutos din ng korte ang pagbawi sa kanyang retirement benefits at ang pagpataw ng perpetual disqualification na makapagtrabaho sa anumang sangay ng pamahalaan.
Bukod kay Diangco, pinatawan din ng 9 na buwang suspensyon nang walang sahod si Security Guard 3 Joven Sorianosos dahil sa kasong less serious dishonesty at simple misconduct.
Isang buwang suspensyon naman ang ipinataw kay Secutiry Guard 3 Abelardo Catbagan, dahil sa simple neglect of duty.
Nag – ugat ang kaso sa labis na pag – inom ng alak at ang pagsisingit ng mga ito ng P5,000 sa kanilang isinumiteng report ng halaga ng mga ginastos para sa excursion noong Marso 19, 2011.
By Katrina Valle | Bert Mozo (Patrol 3)
