Tiniyak ng PhilHealth na walang importanteng dokumento ang nabasa o napinsala.
Ito’y kasunod ng alegasyong sinadya ang nangyaring water leak sa kanilang Regional Office 1 sa Ilocos Norte noong isang linggo.
Batay sa inilabas na pahayag ng PhilHealth, itinanggi nito ang nasabing paratang lalo’t nagpapatuloy ang ginagawang imbestigasyon hinggil sa mga umano’y katiwalian sa ahensya.
Nilinaw din ng PhilHealth na ang benefit administration section at hindi ang accounting section ng opisina ang naapektuhan ng nasabing water leak.
Kasabay nito, muling iginiit ng PhilHealth na bukas sila sa anumang imbestigasyon ng Department of Justice (DOJ) at National Bureau of Investigation (NBI).
