Nagpositibo sa coronavirus disease 2019 (COVID-19) ang chairperson ng Department of Public Works and Highways (DPWH) Build, Build, Build Committee na si Anna Mae Lamentillo.
Kinumpirma ito mismo ni Lamentillo sa kaniyang Facebook account matapos siyang sumailalim sa COVID-19 swab test nuong Hulyo 16.
Kahapon lamang aniya lumabas ang resulta ng kaniyang test kaya’t agad niya itong ipinabatid sa publiko.
Dahil dito, umapela si Lamentillo sa lahat ng kaniyang mga nakasalamuha na gawin din ang ibayong pag-iingat upang hindi na kumalat ang virus.
Una nang kinumpirma ni DPWS Secretary Mark Villar na nagpositibo rin siya sa COVID-19 bagama’t nilinaw nito na siya’y asymptomatic.
