Inihahanda na ng Borongan City ang kaso laban sa pulis na hindi huminto sa checkpoint sa border ng syudad.
Ayon kay Mayor Jose Ivan Dayan Agda ng Borongan City, inaayos na lamang ang affidavit ng mga saksi para sa paghahain ng kaso sa susunod na linggo laban kay Lt Col Joel Ana ng Highway Patrol Group.
Binigyang diin ni Mayor Agda na malaking insulto sa kanila ang ginawang pag dedma sa kanilang checkpoint gayong isa pa naman itong public official.
Mahigpit anya sila sa kanilang border control dahil nais nilang mapanatiling covid free ang syudad.
Sakay umano ng puting van na may escort pang dalawang police motorcycles si Ana nang lampasan nito ang border control ng Borongan noong June 13.
