Muling nagkasa ng operasyon ng Philippine National Police – Highway Patrol Group (PNP-HPG) at ang Metro Manila Development Authority (MMDA) sa kahabaan ng EDSA.
Ito’y para tiyaking sumusunod pa rin sa minimum health standards ng iatf ang mga motoristang dumaraan sa EDSA ngayong ikatlong linggo ng general community quarantine (GCQ) sa Metro Manila.
Nabulaga ang maraming motorista partikular na ang mga manggagawang patungong Buendia sa Makati City na sakay ng isang overloaded shuttle na labag sa 50% minimum capacity requirements para masunod ang physical distancing
May ilang mga motorista rin ang nasita dahil sa kanilang iligal na pagdaan sa designated bus lane kaya’t sama-samang pinagmulta ang mga ito.
