Suportado ng Commission on Higher Education (CHED) Region 10, ang pahayag ni Pangulong Rodrigo Duterte na pansamantalang hindi magdaos ng mga klase sa mga paaralan sa bansa lalot wala pang bakuna kontra coronavirus disease 2019 (COVID-19).
Ayon kay CHED Regional Director Raul Alvarez, bagamat suportado nito ang pahayag ng pangulo na wala munang isasagawang klase sa mga paaralan, nakahanda aniya sila oras na ituloy ang pagsisimula ng klase sa mga susunod na buwan.
Kasunod nito, sabi pa ni Alvarez, gagamit ang pamunuan ng “flexible learning” module para tuloy-tuloy pa rin ang pagtuturo sa mga estudyante.
