Inihayag ng pamunuan ng Baguio General Hospital Medical Center (BGHMC), ang pasyente ng ospital na panibagong dagdag sa mga nakakarekober sa coronavirus disease 2019 (COVID-19).
Kinilala ang 26 na taong gulang na si PH-111-42 bilang ika-26 na COVID-19 survivor ng naturang pagamutan.
Ayon kay patient 11142, taos puso ang kanyang pasasalamat, lalo na sa mga health workers na gumamot sa kanya habang nakikipaglaban sa nakamamatay na virus maging sa suportang ibinigay ng pamahalaang lokal ng Baguio City.
Samantala, ayon sa BGHMC, nagnegatibo sa COVID-19 test ang dalawang samples mula kay patient 11142 makalipas ang tatlong linggong pananatili sa pagamutan.
