Arestado ang 10 kalalakihan na naaktuhang nagpa-pot session sa Lipa, Batangas.
Kabilang sa mga naaresto ang may-ari ng bahay na ginagawang drug den na nakilalang si Alex Dayao alyas Kamote.
Ayon sa Lipa City Police Office, isinailalim sa drug test ang 10 kung saan, apat dito ang nagpositibo sa iligal na droga.
Nasabat mula sa mga ito ang ilang drug paraphernalia gayundin ang ilang gramo ng hinihinalang shabu.
Nabatid na ang mga naaresto ay kabilang din umano sa mga benepisyaryo ng social amelioration program (SAP) ng pamahalaan sa lugar at nakatanggap na ng ayuda.
Samantala, dalawang drug suspek naman ang patay matapos manlaban sa ikinasang buy-bust operation sa Sta. Rosa City sa Laguna.
Kabilang sa mga napatay na target ng operasyon ay nauna nang nasangkot sa panghoholdap sa lugar at nakatanggap din umano ng ayuda mula sa pamahalaan.
