48 pa ang nadagdag sa bilang ng mga Pilipinong naapektuhan ng COVID-19 sa ibang bansa.
Ayon sa DFA hanggang kahapon, May 5 nasa 1,867 overseas Filipinos ang kumpirmadong positibo sa COVID-19 sa 46 na bansa at rehiyon.
Sa nasabing bilang 1,140 ang patuloy na nagpapagamot sa iba’t-ibang ospital.
Sinabi pa ng DFA na 513 naman ang naka-recover sa COVID-19 at nasa 214 ang bilang ng mga Pilipino abroad na pumanaw dahil sa nasabing virus.
Pinakamaraming naitalang kumpirmadong COVID-19 positive na overseas Filipino ay mula sa Europa – 580 cases, America – 488 cases, Asia Pacific Region – 375 at Middle East/Africa – 424.
