Inanunsyo na ni Marikina City Mayor Marcelino Teodoro na mayruon nang bagong gusali para sa kanilang molecular testing center para sa mga Pilipinong pasyente ng coronavirus disease 2019 (COVID-19).
Ayon kay Teodoro, matatagpuan ang nasabing pasilidad sa 2 palapag na bagong tayong gusali sa Bayan-Bayanan Avenue sa Barangay Concepcion Uno.
May sukat na isandaan at animnapung metro kuwadrado, sinabi ni Teodoro na nag-iisa lang ang nasabing gusali at malayo sa mga kabahayan.
Sinabi ng Alkalde, nakatitiyak siyang makapapasa na sa mga pamantayan ng Department of Health o DOH ang kanilang bagong pasilidad para sa testing center.
Ayon naman kay Marikina City Engineers Office Chief Engr. Kennedy Sueno, target nilang matapos ang bagong pasilidad sa loob ng dalawang linggo.
