Nagpasya ang pamunuan ng Hong Kong Disneyland na pansamantalang isara ang kanilang theme park simula ngayong araw na ito, Enero 26.
Batay sa abiso ng Disney sa kanilang website, ito’y bilang pag-iingat sa pagkalat ng 2019 novel corona virus(NCov) sa China.
Paliwanag ng Disney, isa anila itong Standard Operating Procedure (SOP) na layong maiwasan ang pagkalat ng nasabing virus.
Bagama’t isasara ang kanilang theme park, sinabi ng Disney na mananatiling bukas ang kanilang resort hotels sa nasabing lugar.