Mahigpit na binabantayan ng embahada ng Pilipinas sa Australia ang kalagayan ng mga Pilipino doon.
Ito ay dahil sa nagpapatuloy na bushfire sa naturang bansa.
Ayon kay Elmer Cato ng Department of Foreign Affairs, wala pa silang natatanggap na report hinggil sa mga Pilipinong apektado ng bushfire.
Aniya, sa kabila nito ay patuloy ang kanilang ginagawang monitoring sa lahat ng mga Pilipino sa Australia.
Bukod dito, inabisuhan din ng embahada ang mga Pilipino na sumunod sa mga panuntunan ng lokal na pamahalaan ng kanilang mga kinalalagyang lugar.
