Sinalubong ng taas presyo sa Liquified Petroleum Gas (LPG) ang mga Filipino ngayong unang araw ng bagong taon.
Ito ay matapos mag-abiso ang kumpanyang Petron sa kanilang ipinatupad na P7.55 kada kilo na taas presyo sa kanilang LPG, epektibo12:01 kaninang hating gabi, January 1, 2020.
Katumbas ito ng P85.05 omento sa kada11 kilong tangke ng LPG.
Samantala, nagpatupad din ang Petron ng P4.25 na taas presyo sa kada litro ng Auto LPG.
Ang nabanggit na paggalaw sa presyo ng LPG ay bunsod naman ng pagtaas sa international contract price nito ngayong Enero.
