Pinasalamatan ni Defense Secretary Delfin Lorenzana ang lahat ng mga taga Mindanao at Kongreso sa ibinigay na suporta sa pagpapatupad ng martial law sa nabanggit na rehiyon.
Sa ipinalabas na pahayag ni Lorenzana, ilang oras bago mapaso ang martial law sa Mindanao kagabi, December 31 nagpaabot siya ng pasasalamat sa Kongreso para sa 3 beses pag-apruba ng pagpapalawig sa batas militar.
Gayundin sa buong pusong suporta at pakikipagtulungan ng mga residente ng Mindanao sa kasagsagan ng implementasyon ng martial law.
Magugunitang noong Disyembre 4, inihayag ni Lorenzana na hindi niya na irerekomenda kay Pangulong Rodrigo Duterte ang muling pagpapalawig sa martial law sa Mindanao dahil hindi na aniya kinakailangan ito.
