Arestado ang isang hinihinalang miyembro ng Abu Sayyaf Group o ASG na umano’y sangkot sa pagdukot sa isang Filipino-American at anak nito sa Zamboanga City.
Nakilala ang 22 na suspek na si Wajir Arajani, residente ng barangay taluksangay na gumagamit din umano ng mga pangalang Abu Miqtad at Muhajid Wajir.
Pinaniniwalaang si Arajani ang dumukot sa mag-amang sina Gerfa Yeatts Lunsmann at Kevin Lunsmann noong June 2010.
Si Arajani na nakakulong ngayon sa Zamboanga City Police Office ay inaresto sa bisa ng warrant of arrest para sa kasong kidnapping at serious illegal detention.
By: Jelbert Perdez
