Pasok na ang 10 pelikula na shortlist ng mga maglalaban-laban para sa Best International Film sa Academy Award.
Kasama sa Best International Feature Shortlist na ini-anunsyo ng Academy Of Motion Picture Arts and Sciences ang mga pelikula mula sa South Korea, Spain at Senegal.
Kabilang sa nakapasok ang Parasite ni Bong Joon Ho, Pain and Glory na isang semi-autobiographical ni Pedro Almodovar at ang Atlantics na entry ng Senegal.
Sakaling makuha ng Atlantics ang nomination, ito na ang magiging kauna-unahan sa Senagal.
Pasok din sa shortlist ang The Painted Bird mula sa Czech Republic; Truth and Justice ng Estonia, Les Misérables ng France, Those Who Remained ng Hungary, Honeyland ng North Macedonia, Corpus Christi ng Poland at Beanpole ng Russia.
Sa January 13, pormal na ia-anunsyo ang nominasyon para sa 92nd Academy Awards at gagawin ang Oscars sa February 9 sa Los Angeles.
