Ibinunyag ni House Speaker Alan Peter Cayetano na wala siyang balak tumakbo sa 2022 elections.
Ito ay matapos ang kabi-kabilang batikos na natatanggap dahil sa mga aberya sa Southeast Asian Games.
Aniya, masyado pang maaga kung ang layunin ng mga bumabatikos ay siraan siya para sa darating na eleksyon.
Iginiit din ni Cayetano na handa na siyang bumaba bilang House Speaker kung ayaw na sa kaniya ng mga kapwa kongresista.
Magugunitang umani ng samu’t saring batikos mula sa publiko si Cayetano at ang Philippine Southeast Asian Games Organizing Committee (Phisgoc) dahil sa mga naganap na aberya bago ang SEA Games.
