Tiniyak ni House Speaker Allan Peter Cayetano na mayroon silang contingency para sa mga venue na hindi makakahabol sa pagsisimula ng Southeast Asian Games.
Si Cayetano ang Chairman ng Philippine Southeast Asian Games Organizing Committee (Phisgoc).
Maliban sa harapang bahagi ng Rizal Memorial Stadium, hindi na rin natapos ang lugar kung saan sana gaganapin ang squash event sa Rizal Memorial Sports Complex.
Dahil dito, inilipat ang event sa Manila Polo club.
