Hawak na ng Negros Oriental Provincial Police Office ang dalawa sa mga salarin sa pagpatay sa radio broadcaster na si Dindo Generoso.
Ito mismo ang kinumpirma ni Police Regional Office 7 Director Pol. B/Gen. Valeriano De Leon kung saan dalawa aniya sa mga suspek ay pawang mga pulis.
Kinilala ang mga ito na sina Retired P/Cpl. Glenn Corsame na ngayo’y hawak na ng mga pulis at P/Cpl. Roger Rubio na nananatiling at large.
Habang isa sa mga ito ang sibilyan na kinilalang si Teddy Salaw na nakuhanan ng kalibre 45 pistola at mga bala ng mga umarestong pulis.
Sa ngayon, inihahanda na ang isasampang kasong murder ng mga pulis laban sa mga nabanggit na suspek.
