Bukod sa Barreto sisters na trending ngayon sa twitter ang hashtag Julia Montes is back.
Ito’y matapos kumalat sa social media ang mga larawan ng aktres habang namimili sa isang supermarket.
Ang naturang mga larawan ay mula sa mga fans na pinagbigyan ni Montes para makapag-picture sa kaniya.
Ayon sa mga fans na nagpost ng picture, kitang-kita ang aliwalas ng mukha ni Julia kahit wala itong make up.
Nagrereflect daw aniya ito na tila masaya ngayon ito sa kaniyang buhay.
Kasabay nito, hindi rin naiwasan na may magkomento tungkol sa umano’y panganganak ni Julia na hanggang ngayon ay wala pang kumpirmasyon o pagtanggi sa panig ng aktres.
Matatandaang April 2019 nang napaulat ang umano’y pagsilang ni Julia sa anak nila ni Coco Martin sa isang ospital sa Maynila.
Sinasabi rin na hindi totoong nagtungo ang aktres sa Germany kundi narito lamang siya sa Pilipinas.
Huling napanuod si Julia sa afternoon action drama teleserye na Asintado noong nakaraang taon.
