Ninakawan ng armadong grupo ng kalalakihan ang limang jewelry stall sa isang mall sa Mandaue City sa Cebu.
Ayon sa imbestigasyon, nasa 11 mga suspek ang mabilis na nagsagawa ng pagnanakaw sa naturang mall.
Sugatan sa insidente ang security guard na rumesponde nang paputukan siya ng baril sa ulo.
Nakuhanan pa sa CCTV camera ang paglabas ng mga suspek sa mall kasama ang empleyado ng isa sa mga jewelry store.
Samantala, arestado naman ng mga pulis ang apat na suspek nang sumakay ang mga ito ng Roro vessel patungong Cataingan, Masbate matapos naman ang isang oras ay naaresto ang tatlo pang mga suspek na sakay din ng kaparehong Roro vessel.
