Patay ang drayber habang sugatan ang apat (4) nitong sakay matapos na bumangga ang isang passenger van sa isang pick up sa Solano, Nueva Vizcaya.
Ayon kay Solano Police Investigator Police Col. Loiue Macaso, kinilala ang nasawing drayber na si William Tolentino, Residente ng Gattaran, Cagayan.
Sinasabing kinain ng sasakyan ni Tolentino ang kabilang lane matapos itong mag overtake sa naunang sasakyan bago ito sumalpok padating na pick up.
Naputulan naman ng dalawang paa ang drayber ng van dahil sa lakas ng impact ng salpukan ng dalawang sasakyan.
