Dinukot ng mga armadong kalalakihan ang 3 dayuhan at 1 Pilipina sa Ocean Park Yacht Club sa Brgy. Camudmud, Babak District na isla malapit sa Davao City subalit nasasakop ng Davao del Norte pasado alas-11:00 kagabi.
Ayon kay Island Garden City of Samal Chief of Police Benedicto Faco, bigla na lamang pumasok sa dalawang yate ang mga hinihinalang miyembro ng break away group ng Moro Islamic Liberation Front (MILF) na naka-base sa Bantuan Area at dinukot ang dalawang Canadian nationals, Norwegian national na operations manager ng nasabing resort na kinilalang sina Kjartan Sekkingstad, John Ridsdel, Robert Haul, at ang isang di pa pinangalanang Pinay.
Nanlaban naman aniya ang mag-asawang Japanese at American kaya’t hindi natangay ng halos 15 kidnappers.
Ang mga biktima ay kaagad isinakay ng mga suspek sa 2 bangka at dinala sa hindi pa mabatid na lugar.
Tiniyak naman ng mga otoridad ang mahigpit na pagtugis sa mga suspek at kaagad na pagbawi sa mga biktima.
By Judith Larino | Jonathan Andal
