Kinumpirma ni Health Secretary Francisco Duque III, ang kaso ng pagkasawi ng isang apat-na-taong gulang na batang lalaki dahil sa Meningococcemia sa Davao City.
Ayon kay Duque, ipinag-utos niya ang pamamahagi ng Prophylaxis sa doktor, mga nurse at iba pang hospital staff na nag-asikaso sa nasawing bata.
Gayundin sa pamilya ng bata at lahat ng mga natukoy na nagkaroon ng close contact dito.
Dagdag ni Duque, pinuntahan na rin ng DOH ang eskwelahan na pinapasukan ng bata.
Agosto 30, Biyernes nang mapaulat ang pagkasawi ng hindi na pinangalanang bata dahil sa hinihinalang Meningococcemia sa Brokenshire Hospital Integrated Health Ministries Incorporated.
