Tiniyak ng Dept. of Foreign Affairs na nakasubaybay sila sa 19 na Filipino seafarers na dinakip sa Mexico dahil sa illegal drugs.
Ayon sa DFA, nakausap na ng mga kinatawan ng embahada ng bansa ang mga Pinoy at maayos naman umano ang kalagayan ng mga ito.
Sa katunayan, mismong ang mga Filipino seafarers pa umano ang nagparating sa embahada na naipagbigay alam na sa kanilang pamilya ang nangyari sa kanila.
Ang 19 na Filipino seafarers ay kabilang sa 22 Filipino crew ng UBC Savannah, isang Cypriot flagged vessel na kamakailan ay dumaong sa Port of Altamira.
