Nirerespesto ng Malacañang ang pahayag ng ilang senador na itutuloy pa rin nila ang pagsusulong na maibaba ang income tax rate kahit pa nagpahayag na ng pagtutol dito ang Pangulong Benigno Aquino III.
Sinabi ni Presidential Communications Secretary Sonny Coloma na sa sistema ng pamahalaan, independent at co-equal branch ang ehekutibo at lehislatura at batid aniya ng palasyo na trabaho ng mga mambabatas ang gumawa ng batas.
Ayon kay Coloma, mas mabuting hintayin na lamang ang pasya ng mga mambabatas hinggil sa pagpapababa ng tax rates.
By Meann Tanbio | Aileen Taliping (Patrol 23)
