Masayang inanunsyo ng actress/model na si Isabel Oli na dinadala niya ang unang anak nila ni John Prats.
Sa isang post sa Instagram, sinabi ni Oli na masayang-masaya siya at excited na makita ang kanyang baby dynamite.
Aniya, isa itong early at best birthday gift ng Panginoon sa kanilang mag-asawa.
Hindi din naitago ng soon to be dad na si John Prats ang kanyang excitement sa pagdadalang-tao ni Isabel at nag-post pa ng picture ng ultrasound ng asawa.
Matatandaang ikinasal ang dalawa sa Batangas noong nakaraang Mayo, Catholic wedding sa umaga at Christian wedding naman sa hapon.
*Screengrab from Instagram
