Tinatayang 18 milyong pisong halaga ng shabu ang nasabat ng mga otoridad mula sa isang Pilipino at dalawang Nigerian sa magkahiwalay na buy-bust operation sa Naga City, Camarines Sur.
Kinilala ang isa sa mga dayuhan na si Azubuike Onwigbolu, 32 taong gulang, residente ng Angeles City, Pampanga na naaresto sa Barangay Triangulo, Naga City.
Ayon kay Major Maria Luisa Calubaquib, Information Officer ng Police Regional Office-5, nasabat mula kay Onwigbolu ang nasa 17 milyong pisong halaga ng shabu.
Natimbog din si Judith Camacho, 46 anyos, residente ng Barangay San Jose, Bombon, Camarines Sur at isa pang Nigerian na si Mbaneto Sopuluchukwu, alyas ‘Hermann Kurt Philip’, 22 anyos na kapwa naaresto sa Barangay Dinaga.
Narekober anya mula sa dalawa ang isang plastic bag na naglalaman ng shabu na nasa 700,000 piso ang halaga.
Si Camacho ang isa sa mga supplier ng iligal na droga sa lalawigan.
