Umabot sa P190 billion ang realignment sa budget.
Ipinabatid ito ni Senador Panfilo Lacson matapos ang ginanap na caucus ng mga senador kaugnay sa panukalang P3.7 trillion na 2019 national budget.
Sinabi ni Lacson na unang nagkaruon ng realignment sa pondo ng Department of Public Works and Highways (DPWH) na nahugutan ng P60 billion mula sa nadiskubreng P75 billion na naisingit sa kanilang pondo.
Binigyang diin ni Lacson na mas malaking halaga ang nangyaring institutional amendments o ang pondo ng ibat ibang ahensya ng gobyerno at mayruon aniyang individual realignment din o mula sa mga naibigay na pondo sa mga mambabatas partikular sa mga kongresista.
