Kinansela na ang pasok sa lungsod ng Maynila sa Enero 9, Miyerkoles para sa isasagawang traslacion ng Itim na Nazareno.
Ayon sa Executive Order No. 1 na nilagdaan ni Mayor Joseph ‘Erap’ Estrada, walang pasok sa mga pampubliko at pribadong eskuwelahan sa lahat ng antas sa lungsod kabilang na rin ang pasok sa mga government offices.
Gayunaman, hindi kabilang sa kanselasyon ang mga ahensyang kasama para sa preparasyon ng nasabing pagdiriwang.
Inaasahang libu-libong deboto ng Itim na Nazareno ang daragsa na sa Quiapo Church simula ngayong araw na ito.
—-
