Arestado ang 34 katao matapos hindi tumayo at magbigay galang nang patugtugin ang pambansang awit sa loob ng sinehan sa Lemery, Batangas.
Ayon sa mga otoridad, kanilang naaktuhan sa loob ng sinehan ang hindi pagtayo ng mga tao na tanda ng pagrespeto nang pinatugtog ang pambansang awit bago simulan ang isang pelikula.
Kanila umanong paiigitingin pa ang pagpapatupad ng section 38 at 39 ng Republic Act No. 8491 o ang “Flag and Heraldic code of the Philippines.”
Sa ilalim ng nasabing batas, inaatasan na parusahan ang sinomang hindi magbibigay pugay sa watawat at pambansang awit.
Nakatakdang kasuhan ngayong umaga ang nahuling 34 katao.
