Umuugong ngayon sa bansang Malaysia ang balitang bumili umano ng malawak na lupain si Malaysian Prime Minister Najib Razak sa Mindanao.
Ayon sa report ng ilang Malaysian media, bahagi umano ang pinambili ni Razak sa kinukuwestyong 700 milyong dolyar na sinasabing ninakaw umano ni Razak mula sa pondo ng gobyerno ng Malaysia.
Sinasabing pinaraan ang naturang salapi sa isang bank account sa British Virgin Island at ipinasa sa iba pang bank accounts.
Gayunman, hindi tinukoy sa mga report kung saang partikular sa Mindanao bumili ng lupain si Razak.
Sa kabila nito, walang paglilinaw mula sa gobyerno ng Pilipinas kaugnay sa nasabing usapin.
By Jaymark Dagala
